जिल्हा व्यापारी महासंघाकडून आचरा व्यापारी संघाचा गौरव
आदर्श ग्रामीण व्यापारी संघटना पुरस्कार जाहीर : उद्या वितरण
आचरा : जिल्हा व्यापारी महासंघातर्फे या वर्षीचा कै. प्रतापराव केनवडेकर स्मृती आदर्श ग्रामीण व्यापारी संघ पुरस्कार आचरा व्यापारी संघटनेला जाहिर झाला आहे. सोमवारी ३१ जानेवारी रोजी कणकवली येथे होणाऱ्या व्यापारी एकता मेळाव्यात या पुरस्काराचे वितरण केले जाणार आहे.
केवळ व्यवसाय एवढेच उद्धिष्ट न ठेवता कोरोना महामारीत सामाजिक भावनेतून अनेकाधिक उपक्रमांनी सामाजिक क्षेत्रात आचरा व्यापारी संघटनेने आपली वेगळी ओळख निर्माण केली आहे. याची दखल घेत जिल्हा व्यापारी महासंघाने या वर्षीचा कै. प्रतापराव केनवडेकर स्मृती आदर्श ग्रामीण व्यापारी संघ पुरस्कार आचरा व्यापारी संघटनेला जाहिर केला आहे. याबाबत सर्व स्तरातून संघटनेवर अभिनंदनाचा वर्षाव होत आहे.
