गावठी दारू वाहतूक करणारी अल्टो पोलिसांच्या ताब्यात ; पती- पत्नीवर गुन्हा !
मालवण : गोवा बनावटीच्या दारूची अवैध वाहतूक प्रकरणी हडी-कालावल मार्गावर रविवारी रात्री मालवण पोलिसांनी कारवाई केली. या कारवाईत ३३,६०० किमतीचा अवैध दारूसाठा व अल्टो कार (एमएच ०३ – एआर २१५८) पोलिसांनी जप्त केली आहे. तर या दारू वाहतूक प्रकरणी पती- पत्नीवर गुन्हा दाखल करण्यात आला आहे.
मालवण पोलीस निरीक्षक एस एस ओटवणेकर यांच्या मार्गदर्शनाखाली सहायक पोलिस निरीक्षक सचिन चव्हाण, भारत फारणे, पेडणेकर, पाटील व महिला पोलीस ओरसकर यांच्या पथकाने ही कारवाई केली.
दरम्यान अल्टो कार मधील योगेश विलास मयेकर व त्याची पत्नी नेहा योगेश मयेकर रा. पोयरे (मसवी) देवगड यांच्यावर मालवण पोलीस स्थानकात गुन्हा दाखल करण्यात आला आहे, अशी माहिती पोलीस निरीक्षक एस एस ओटवणेकर यांनी दिली.
