देऊ शब्द तो पूर्ण करू… भाजपा नेते निलेश राणे यांच्या मार्गदर्शनाखाली दत्ता सामंत यांची आश्वासनपूर्ती !
मसुरे गडघेरा दत्तमंदिर नजीकच्या ट्रान्सफॉर्मरची जागा बदलण्याचे काम मार्गी ; ३ लाखांचा निधी स्वखर्चातून उपलब्ध
मालवण : भाजप नेते निलेश राणे आणि दत्ता सामंत यांच्या माध्यमातून मसुरे गडघेरावाडी ग्रामस्थांची मागील दहा वर्षांची मागणी पूर्ण करण्यात आली आहे. येथील दत्त मंदिर नजीक असलेल्या ट्रान्सफॉर्मरची जागा बदलण्याची येथील ग्रामस्थांची मागणी विचारात घेऊन भाजपा नेते दत्ता सामंत यांनी माजी खासदार निलेश राणे यांच्या मार्गदर्शनाखाली तब्बल तीन लाखांचा निधी स्वखर्चातून देत हे काम पूर्ण केले आहे. याबद्दल ग्रामस्थानी भारतीय जनता पक्षाचे आभार मानले आहेत. नवीन जागेत बसविण्यात आलेल्या ट्रान्सफॉर्मरचा शुभारंभ दत्ता सामंत यांच्या उपस्थितीत उद्योजक डॉ. दीपक परब यांच्या हस्ते श्रीफळ वाढवून उद्योजक करण्यात आला. यावेळी दत्ता सामंत यांचा दत्तप्रासादीक गडघेरा मंडळ आणि स्थानिक ग्रामस्थांच्या वतीने प्रमोद शिंगरे यांच्या हस्ते शाल, श्रीफळ, पुष्पगुच्छ देऊन सत्कार करण्यात आला..
यावेळी मसुरे गावचे सुपुत्र उद्योजक डॉ. दीपक परब यांचाही विशेष सत्कार करण्यात आला. तसेच हा ट्रान्सफॉर्मर बसविण्यासाठी मोफत जागा देणारे स्थानिक ग्रामस्थ सुरेश शिंगरे, प्रमोद शिंगरे या कुटुंबाचा सुद्धा मंडळाच्या वतीने गौरव करण्यात आला. यावेळी महेश बागवे, सरोज परब, मालवणचे माजी नगरसेवक दीपक पाटकर यांनी मार्गदर्शन केले. यावेळी बोलताना डॉ. दीपक परब म्हणाले, दत्ता सामंत यांचे दातृत्व खूप मोठे आहे. केंद्रीय मंत्री नारायण राणे, पालकमंत्री रवींद्र चव्हाण, माजी खासदार निलेश राणे आणि भारतीय जनता पक्षाचे सर्व पदाधिकारी यांच्या माध्यमातून विकासात्मक कामे या भागामध्ये होत असून जनतेने सुद्धा विधायक कामे करणाऱ्यांच्या पाठीमागे खंबीरपणे उभे राहिले पाहिजे. यावेळी सत्कारास उत्तर देताना दत्ता सामंत म्हणाले, मी करत असलेले कार्य हे परमेश्वराच्या मनात असते आणि म्हणूनच अशी विधायक कामे माझ्या आणि माजी खासदार निलेश राणे, भारतीय जनता पक्षाचे सर्व नेते पदाधिकारी यांच्या माध्यमातून नेहमी होत असतात. गेली अनेक वर्ष प्रलंबित असलेला येथील ट्रान्सफॉर्मर जागा बदलाचा प्रश्न येथील आमदाराला आणि शिवसेनेच्या स्थानिक नेतेमंडळींना सोडविता आला नाही. ग्रामस्थांचा प्रलंबित प्रश्न आज आम्ही शब्द दिल्याप्रमाणे पूर्ण केला. यामध्ये आम्हाला समाधान आहे. यापुढेही या भागातील विधायक कामांच्या मागे आम्ही सर्वजण खंबीरपणे उभे आहोत. यावेळी माजी नगरसेवक दीपक पाटकर, उद्योजक डॉ. दीपक परब, उद्योजक जयेश परब, माजी जि. प. अध्यक्ष सरोज परब, उद्योजिका सौ परब, वेरळ सरपंच धनंजय परब, माजी उपसभापती छोटू ठाकूर, माजी पंचायत समिती सदस्य महेश बागवे, सुरेश शिंगरे, विलास मेस्त्री, मंडळाचे अध्यक्ष लक्ष्मण शिंगरे, ग्रामपंचायत सदस्य जग्गू चव्हाण, सचिन पाटकर, शिवाजी परब,अशोक बागवे, प्रमोद बागवे, जितेंद्र परब, किरण पाटील, तात्या हिंदळेकर, विशू तोंडवळकर, हिरबा तोंडवळकर, दीपक सावंत, पुरुषोत्तम शिंगरे, विरेश तोंडवळकर, प्रमोद शिंगरे, मुकेश मुळये, विठल तोंडवळकर, संकेत परब, शैलेश तोंडवळकर, संतोष बांदिवडेकर, ओमकार मेस्त्री, प्रमोद बागवे, विशू तोंडवळकर आणि गडघेरावाडी ग्रामस्थ, महिला उपस्थित होत्या. कार्यक्रमाचे सूत्रसंचालन आणि आभार दत्तप्रसाद पेडणेकर यांनी केले.
