मसुरे देऊळवाडा येथे आज महिलांकरिता नारळ लढविण्याची स्पर्धा
शिवसेना मसुरे विभाग, पोईप विभाग व अनंत पाटकर मित्रमंडळतर्फे आयोजन
मालवण : शिवसेना मसुरे, पोईप विभाग व अनंत पाटकर मित्र मंडळाच्या वतीने आज १५ ऑगस्ट रोजी स्वातंत्र्य दिनानिमित्त महिलांकरिता नारळ लढविण्याची स्पर्धा घेण्यात येणार आहे. दुपारी २.३० वाजल्यापासून मसुरे देउळवाडा, मराठी शाळेनजीक ही स्पर्धा होणार आहे.
स्पर्धेमध्ये सहभागी होणाऱ्या स्पर्धकास नारळ आयोजक मंडळाकडून पुरविण्यात येणार असून विजेत्या स्पर्धकांना रोख रक्कम स्वरूपात बक्षीस देण्यात येईल. तरी जास्तीत जास्त महिलांनी या स्पर्धेमध्ये सहभागी होण्याचे आवाहन आयोजक मंडळाकडून करण्यात आले आहे.
