जिल्हा काँग्रेसने अरविंद मोंडकर यांच्यावर दिली मोठी जबाबदारी…
देवगड तालुका काँग्रेस कमिटी निरीक्षक पदी नियुक्ती
मालवण | कुणाल मांजरेकर
राष्ट्रीय काँग्रेसचे जिल्हा सरचिटणीस अरविंद मोंडकर यांची देवगड तालुका काँग्रेस कमिटी निरीक्षक पदी नियुक्ती करण्यात आली आहे.ओरोस येथे गुरुवारी झालेल्या जिल्हा काँग्रेसच्या बैठकीत ही निवड झाली आहे.
प्रदेश काँग्रेसचे सचिव व सिंधुदुर्ग जिल्हा प्रभारी शशांक बावचकर यांच्या उपस्थितीत माजी जिल्हाध्यक्ष इर्शाद शेख यांनी माजी जिल्हाध्यक्ष साईनाथ चव्हाण, विकासभाई सावंत जिल्हा कार्याध्यक्ष विलास गावडे यांच्याशी चर्चा करून श्री. मोंडकर यांच्यावर देवगड तालुका काँग्रेस कमिटीच्या स्थानिक जिल्हा परिषद पंचायत समित्या गावपातळीवर जाऊन बांधणी करण्याची जबाबदारी दिली आहे. कुडाळ मालवण विधानसभा २०१९ चे उमेदवार अरविंद मोंडकर यांच्याकडे यापूर्वी कुडाळ तालुका जबाबदारी होती. त्यानुसार त्यांनी कुडाळमध्ये देखील चांगली कामगिरी केली होती. नगरपंचायत निवडणूक पूर्वी तिथे बैठका घेत तेथील अभय शिरसाट, विद्याप्रसाद बांदेकर, विजय प्रभू, मंदार शिरसाट व इतर पदाधिकारी यांच्याशी समनवय राखून उत्तम कामगिरी केली होती. या अनुषंगाने आता मोंडकर यांना आता देवगड तालुका काँग्रेसची जबाबदारी दिली आहे. येत्या आठवड्यात देवगडात जाऊन तत्काळ बैठका व कार्यकर्त्यांच्या भेटी घेऊन बूथ सक्षमीकरण करण्यावर भर देणार आहे, असे अरविंद मोंडकर यांनी म्हटले आहे.
