माळगांव ग्रामपंचायत उपसरपंच पदी शिवसेना ठाकरे गटाचे शशिकांत सरनाईक बिनविरोध
मालवण : मालवण तालुक्यातील माळगांव ग्रामपंचायतीच्या उपसरपंच पदी शिवसेना उद्धव बाळासाहेब ठाकरे पक्षाच्या शशिकांत सरनाईक यांची बिनविरोध निवड करण्यात आली आहे.
माळगांव ग्रामपंचायत उपसरपंच पदासाठी आज निवडणूक झाली. या ग्रामपंचायतीत सात पैकी सहा सदस्य उध्दव बाळासाहेब ठाकरे शिवसेनेचे निवडून आले आहेत. उपसरपंच पदासाठी शशिकांत सरनाईक यांचा एकमेव अर्ज आल्यामुळे त्यांची बिनविरोध निवड झाल्याचे जाहीर करण्यात आले. यावेळी सरपंच चैताली साळकर, सदस्य नंदकिशोर कासले, श्रीनिवास हडकर, किरण नरे, अंकिता कासले, राजश्री शेलार, सौ. परब, अरुण भोगले, आना सुर्वे, अमित भोगले, विजय सरनाईक, रमेश जाधव व ग्रामस्थ उपस्थित होते.
