रशियन मिलिटरीचे मालवाहक विमान कोसळलं ; अपघातात वैमानिकाला मृत्यू ?
मॉस्को : रशियन मिलिटरी मालवाहक विमान Ilyushin Il-112V मंगळवारी मॉस्को प्रदेशात चाचणी उड्डानादरम्यान अपघातग्रस्त झाले. उड्डाणानंतर या विमानाला आग लागली आणि ते मॉस्को शहराबाहेरील परिसरात कोसळले. या मोठ्या विमानाची सध्या प्रायोगिक तत्वावर उड्डाणं सुरु होती. अपघातात कोणती जीवितहानी झाली आहे का याबाबत कंपनीकडून अद्याप कोणतीही माहिती देण्यात आली नाही.
आरआयए वृत्तसंस्थेच्या हवाल्यानुसार वैमानिकाचा मृत्यू झाल्याचे वृत्त आहे. टीएएसएसच्या सूत्रानुसार विमानात तीन लोक होते. युनायटेड एअरक्राफ्ट कॉर्पोरेशन Il-112V विकसित करत आहे आणि वृद्धिंगत Antonov An-26 ला रिप्लेसमेंट असेल. विमान कमी उंचीवर उडत असतानाच विमानाच्या एका पंखाला आग लागली आणि काही क्षणांत विमान जमिनीवर कोसळले. टीएएसएसच्या एका सूत्रानुसार, विमानात तीन लोक होते, ज्यात सन्मानित चाचणी वैमानिक निकोले कुईमोव यांचा समावेश होता. विमान क्रॅश होण्यापूर्वी, विमानाच्या उजव्या बाजूच्या इंजिनने पेट घेतला, ज्यामुळे Il-112V उजव्या बाजूला झुकले. विमानाने पलटी होण्याआधी आणि जमिनीवर पडण्यापूर्वी वेग कमी करण्यास सुरुवात केली, असे वृत्तसंस्थेने म्हटले आहे. अपघात कशामुळे झाला हे अद्याप समजू शकलेले नाही. युनायटेड एअरक्राफ्ट कॉर्पोरेशनची मूळ कंपनी रोस्टेकने अपघाताची चौकशी करण्यासाठी एक कमिशन तयार करणार असल्याचे स्पष्ट केले. हेही लक्षात घेतले पाहिजे की ते विमान प्रायोगिक लेवलवर होते. IL-112V हे एक नवीन जनरेशनचे हलके वाहतूक विमान आहे जे व्होरोनेझ एव्हिएशन प्लांटमध्ये तयार केले गेले आहे, जे मॉस्कोपासून 500 किमी दक्षिणेस आहे. लष्करी जवान, शस्त्रे आणि इतर उपकरणे, जास्तीत जास्त पाच टन पर्यंत नेण्यासाठी हे विमान तयार केले गेले आहे. सैन्याची वाहतूक करण्यासाठी लष्करी व्हेरिएंट तयार होण्याआधी हे प्रवासी विमान म्हणून सुरुवातीला तयार केले गेले. रशियातील लष्करी तंत्रज्ञानाचा वार्षिक शो असलेल्या आर्मी २०२१ प्रदर्शनात सहभागी होण्यासाठी विचाराधीन असलेले हे विमान गेल्या आठवड्यात मॉस्कोला पोहोचले होते.
