युवासेनाप्रमुख आदित्य ठाकरेंची केसरकरांच्या बालेकिल्ल्यात जाहीर सभा
मालवण | कुणाल मांजरेकर
शिवसेना नेते, युवासेना प्रमुख आदित्य ठाकरे हे सोमवारी १ ऑगस्ट रोजी निष्ठा यात्रेनिमित्त सिंधुदुर्ग जिल्ह्यात दाखल होणार आहेत. यावेळी त्यांचे शिवसैनिकांच्या वतीने जंगी स्वागत करण्यात येणार आहे. सकाळी ११ वाजता कुडाळ शिवसेना शाखा येथे शिवसैनिकांशी ते संवाद साधणार आहेत. तर १२ वाजता सावंतवाडी येथील गांधी चौक येथे आदित्य ठाकरे यांची जाहीर सभा होणार असून या सभेला ते संबोधित करणार आहेत, अशी माहिती शिवसेना जिल्हाप्रमुख तथा आमदार वैभव नाईक यांनी दिली आहे.
