पोईपमध्ये श्री देव वेताळ मंदिरात श्रीफळ वाढवून आमदार वैभव नाईक यांच्या प्रचाराचा शुभारंभ
पोईप | प्रसाद परब
मालवण तालुक्यातील पोईप येथे शिवसेना उद्धव बाळासाहेब ठाकरे पक्षाचे कुडाळ मालवण विधानसभा मतदारसंघाचे उमेदवार आमदार वैभव नाईक यांच्या प्रचाराचा शुभारंभ श्री देव वेताळ मंदिरात शिवसैनिकांच्या उपस्थितीत नारळ फोडून व श्री देव वेताळ मुंजेश्वर चरणी साकड घालून करण्यात आला. यावेळी उपस्थितांनी “वैभव नाईक आगे बढो हम तुम्हारे साथ है” घोषणा दिल्या.
यावेळी उबाठा शिवसेनेचे उमेदवार आमदार वैभव नाईक यांना विधानसभेच्या निवडणुकीत भरघोस मतांनी निवडून आणण्यासाठी आपण सर्वांनी एकजुटीने प्रयत्न करूया, असा समस्त शिवसैनिकांनी निर्धार केला. यावेळी पोईपचे सामाजिक कार्यकर्ते गोपीनाथ पालव, परशुराम नाईक, दत्ताराम पालव, विभाग प्रमुख विजय पालव, युवासेना उपजिल्हाप्रमुख पंकज वर्दम, माजी सरपंच बाबली पालव, पोईप संस्थेचे चेअरमन विठ्ठल नाईक,राजेंद्र पालव ,विलास सांडव , शाखाप्रमुख अनिल येरम ,सुशील पालव, बाळा सांडव , भिवा पारकर, दीपक नाईक,राजा पोईपकर ,महेश चव्हाण ,बिरबल पालव ,पांडुरंग चव्हाण ,अरुण माधव ,सौ पालव व पोईप गावातील निष्ठावंत बहुसंख्या शिवसैनिक उपस्थित होते
