राजन तेलींनी घेतली शरद पवारांची भेट !
महाविकास आघाडीच्या अधिकृत उमेदवाराला निवडून आणण्याचे पवारांचे आदेश
सावंतवाडी | सिद्धेश पुरळकर
सावंतवाडी विधानसभा मतदार संघातील शिवसेना उद्धव बाळासाहेब ठाकरे, राष्ट्रीय काँग्रेस आणि राष्ट्रवादी काँग्रेस (शरदचंद्र पवार) महाविकास आघाडीचे अधिकृत उमेदवार राजन तेली यांनी राष्ट्रवादी काँग्रेस पक्षाचे अध्यक्ष शरद पवार यांची त्यांच्या मुंबई येथील सिल्व्हर ओक या निवासस्थानी भेट घेऊन त्यांचे आशीर्वाद घेतले. यावेळी शरद पवार यांनी सावंतवाडी विधानसभा निवडणुकीत महाविकास आघाडीच्या अधिकृत उमेदवाराला निवडून आणण्यासाठी स्थानिक पदाधिकारी व कार्यकर्त्यांना कामाला लागण्याचे आदेश दिले. यावेळी राष्ट्रवादी काँग्रेस(शरदचंद्रजी पवार)पक्षाचे नेते प्रवीण भोसले उपस्थित होते.
