शिवसेना जिल्हा संघटकपदी संजू परब यांची निवड
सावंतवाडी | सिद्धेश पुरळकर
माजी खासदार निलेश राणे यांच्या नेतृत्वाखाली शिवसेनेत प्रवेश करणाऱ्या सावंतवाडीचे माजी नगराध्यक्ष संजू परब यांची शिवसेनेच्या जिल्हा संघटक पदी नियुक्ती करण्यात आली आहे. शिवसेना सचिव संजय मोरे यांनी ही नियुक्ती केली आहे. या नियुक्तीचा कालावधी एक वर्षाचा असेल. वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या हिंदुत्वाचा विचार आणि धर्मवीर आनंद दिघे साहेब यांची शिकवण यांचा सक्रियपणे प्रचार आणि प्रसार कराल तसेच शिवसेना पक्ष वाढीसाठी आपण सर्वांना सोबत घेऊन कार्य कराल, असा विश्वास सचिव संजय मोरे यांनी नियुक्ती पत्रात व्यक्त केला .
