Breaking | माजी खासदार निलेश राणे उद्या मौन सोडणार
कुडाळमध्ये उद्या पत्रकार परिषद ; निलेश राणे कोणती भूमिका मांडणार याकडे राज्याचे लक्ष
मालवण | कुणाल मांजरेकर
माजी केंद्रीय मंत्री, खासदार नारायण राणे यांचे ज्येष्ठ सुपुत्र, माजी खासदार निलेश राणे कुडाळ मालवण विधानसभा मतदार संघातून निवडणूक लढवणार आहेत. मात्र ते कोणत्या पक्षाकडून निवडणूक लढवणार याबाबत वेगवेगळ्या चर्चा सुरु असून या पार्श्वभूमीवर निलेश राणे उद्या मंगळवारी सकाळी 11 वाजता कुडाळ येथील महालक्ष्मी हॉल मध्ये पत्रकार परिषद घेणार आहेत. या पत्रकार परिषदेत ते कोणती भूमिका मांडणार ? याबाबत उत्सुकता लागून राहिली आहे.
निलेश राणे हे भाजपा ऐवजी शिवसेनेतून निवडणूक लढवणार असल्याची चर्चा असून बुधवारी 23 ऑक्टोबर रोजी मुख्यमंत्री तथा शिवसेनेचे मुख्य नेते एकनाथ शिंदे यांच्या उपस्थितीत ते शिवसेनेत प्रवेश करण्याची शक्यता आहे. याबाबत प्रथमच निलेश राणे आपली भूमिका मांडणार असून उद्याच्या पत्रकार परिषदेकडे संपूर्ण राज्याचे लक्ष लागून राहिले आहे.
