कुडाळ नगरपंचायतीला मिळणार हक्काची फायर फायटर यंत्रणा
आ. वैभव नाईक यांची माहिती ; मिनी फायर फायटरला प्रशासकीय मान्यता
कुणाल मांजरेकर
पालकमंत्री ना. उदय सामंत, खासदार विनायक राऊत यांच्या माध्यमातून आमदार वैभव नाईक यांनी जिल्हा वार्षिक योजना अग्निशमन सेवा व आणीबाणीच्या सेवांचे बळकटीकरण योजनेअंतर्गत कुडाळ नगरपंचायतीस मिनी फायर फायटर मंजूर करून घेतला आहे. या कामासाठी ५४ लाख ८१ हजार रुपयांच्या निधीस प्रशासकीय मान्यता देण्यात आली आहे.
कुडाळ नगरपंचायतीसाठी अग्निशमन सेवा पुरविण्याची मागणी शिवसेना पदाधिकारी तसेच व्यापारी संघटना व नागरिकांनी केली होती. ही मागणी तातडीने पूर्ण करण्यात येत असून लवकरच मिनी फायर फायटर पुरविण्यात येणार आहे. यासाठीचा निधी प्राप्त झाला असून येत्या महिन्याभरात कुडाळ नगरपंचायतीकडे हक्काची अग्निशमन यंत्रणा असेल, अशी माहिती आमदार वैभव नाईक यांनी दिली आहे.
