घुमडे येथील घुमडाई मंदिरात उद्या रामनवमी उत्सव
मालवण | कुणाल मांजरेकर मालवण तालुक्यातील घुमडे गावचे ग्रामदैवत श्री घुमडाई देवी मंदिरात उद्या (बुधवारी) रामनवमी उत्सव साजरा केला जाणार आहे. यानिमित्त सकाळी १० वाजता स्थानिकांची भजने, १२ वा. रामजन्म, १२.३० वा. पालखी प्रदक्षिणा, दुपारी १ वा. महाप्रसाद, तर सायंकाळी स्थानिकांची भजने आणि महिलांचे कार्यक्रम होणार आहेत. तरी भाविकांनी याचा लाभ घ्यावा, असे आवाहन घुमडे ग्रामस्थ मंडळाच्या वतीने करण्यात आले आहे.
