जिल्हा बँकेचे एक कोटींचे कर्ज थकवणाऱ्या सहकारी कारखान्याला कोल्हापूरच्या सहकार न्यायालयाचा दणका
सह्याद्री काजू प्रक्रिया व मद्यार्क निर्मिती सहकारी कारखान्याच्या अध्यक्ष, संचालकांच्या मालमत्तेवर प्रतिबंधात्मक कारवाई
सिंधुनगरी : सह्याद्री काजू प्रक्रिया व मद्यार्क निर्मिती सहकारी कारखाना मर्यादित सिंधुदुर्ग पडवे, माजगाव तालुका-दोडामार्ग या कारखान्याला सिंधुदुर्ग जिल्हा बँकेने काजू बी खरेदी व प्रक्रियेसाठी एक कोटी कर्ज दिले होते. सदरचे कर्ज थकीत झाल्याने बँकेने संस्थेवर महाराष्ट्र सहकार कायदा कलम ९१ नुसार २८/१२/२०२३ रोजी सहकार न्यायालय क्र. २ कोल्हापूर येथे बँक कर्ज वसुलीसाठी दावा दाखल केला होता. या दाव्यापोटी न्यायालयाने २६ मार्च २०२४ रोजी अंतरिम आदेश निर्गमित केला आहे. यात संस्थेची मालमत्ता तसेच संस्था अध्यक्ष चंद्रशेखर अर्जुन देसाई व अन्य संचालक यांच्या नावे असलेली वैयक्तिक मालमत्ता विक्री अगर हस्तांतरण करण्यास प्रतिबंध केलेला आहे. या कामी बँकेच्या वतीने अँड. अमोल पाटील, कोल्हापूर यांनी कामकाज केलेले आहे.
