गवंडीवाडा येथील “खेळ पैठणीचा” स्पर्धेत सौ. आरती कोडचवाडकर ठरल्या पैठणीच्या मानकरी

श्री राममंदिर मित्रमंडळ व श्री समर्थ रामदास प्रासादिक नाट्यमंडळ यांच्यावतीने आयोजन ; सौरभ ताम्हणकर मित्रमंडळाने पुरस्कृत केली होती स्पर्धा

मालवण : मालवण गवंडीवाडा येथील श्री राम मंदिरात रामनवमी उत्सवनिमित्त श्री राम मंदिर मित्रमंडळ व श्री समर्थ रामदास प्रासादिक नाट्यमंडळ यांच्यावतीने आयोजित आणि सौरभ ताम्हणकर मित्रमंडळ पुरस्कृत ‘खेळ पैठणीचा’ स्पर्धेत सौ. आरती कोडचवाडकर या विजेत्या ठरल्या. त्यांना मानाची पैठणी देऊन गौरविण्यात आले.

या स्पर्धेत सौ. हिना कांदळगावकर यांनी द्वितीय व सौ. सिद्धी करंगुटकर यांनी तृतीय क्रमांक मिळविला. यावेळी लहान मुलांसाठी आयोजित स्पर्धेत विघ्नेश भाटवडेकर विजेता ठरला. दोन्ही स्पर्धेतील विजेत्यांना मान्यवरांच्या हस्ते पारितोषिके देऊन गौरविण्यात आले.

स्पर्धेचे सूत्रसंचालन संजय शिंदे यांनी केले. यावेळी युवा सामाजिक कार्यकर्ते सौरभ ताम्हणकर, बाळा मयेकर, राजन परुळेकर, आनंद वराडकर, कमलाकांत गवंडी, निशय पालेकर, विलास परुळेकर, सचिन पाटकर, प्रसाद गवंडी, प्रशांत गवंडी, चित्रा हरमलकर, शर्वरी पाटकर, संध्या परुळेकर, सुषमा शिंदे, रोहित परुळेकर, आराध्या गवंडी, ऋतुजा परुळेकर, स्मिता पाटकर, स्वरा पाटकर, पूजा पराडकर, प्राची गवंडी, अनन्या वराडकर, वैशाली गवंडी, स्वाती परसनाईक, पुजा शिरगावकर, सुरज मंडलिक, गणेश धुरी, सिद्धी धुरी आदी व इतर उपस्थित होते.