आचरेत ठाकरे गटाला धक्का ; विभागीय उपाध्यक्षांसह विद्यमान ग्रा. पं. सदस्याचा भाजपात प्रवेश
माजी खा. निलेश राणे, दत्ता सामंत यांच्यासह पदाधिकाऱ्यांची उपस्थिती
मालवण | कुणाल मांजरेकर
भारतीय जनता पक्षाने आचरा गावात शिवसेना उद्धव बाळासाहेब ठाकरे गटाला धक्का दिला आहे. ठाकरे गटाचे आचरा विभागीय उपाध्यक्ष जगदीश पांगे यांच्यासह विद्यमान ग्रामपंचायत सदस्य बबलू गावकर यांनी शुक्रवारी भाजपात प्रवेश केला. भाजपचे प्रदेश सचिव, माजी खासदार निलेश राणे यांनी त्यांचे पक्षात स्वागत केले.
यावेळी भाजपा नेते दत्ता सामंत यांच्यासह जिल्हा बँकेचे संचालक बाबा परब, तालुकाध्यक्ष धोंडू चिंदरकर, अनंत राऊत, राजन गावकर यांच्यासह भाजपचे अन्य पदाधिकारी आणि कार्यकर्ते उपस्थित होते.
