माजी आमदार परशुराम उपरकर अखेर ठाकरे शिवसेनेत !
पक्षप्रमुख उद्धव ठाकरे यांच्या प्रमुख उपस्थितीत प्रवेश ; समर्थकांची मोठ्या संख्येने उपस्थिती
मुंबई : माजी आमदार परशुराम उर्फ जीजी उपरकर यांनी आज मुंबईत मातोश्रीवर पक्षप्रमुख उद्धव ठाकरे यांच्या प्रमुख उपस्थितीत शिवसेना उद्धव बाळासाहेब ठाकरे पक्षात प्रवेश केला आहे. यावेळी उपरकरांच्या समर्थकांची मोठी उपस्थिती होती.
यात मालवण मनसेचे माजी तालुकाप्रमुख विनोद सांडव, बाबल गावडे, आशिष सुभेदार, दीपक गावडे, मंदार नाईक, संदिप लाड, राजेश टंगसाळी, आप्पा मांजरेकर, सचिन मयेकर, नाना सावंत, आबा चिपकर, विजय उपरकर, प्रणव उपरकर यांच्यासह मोठ्या संख्येने समर्थक उपस्थित होते.
यावेळी उद्धव ठाकरे यांनी उपरकर आणि त्यांच्या कार्यकर्त्यांचे स्वागत केले. यावेळी शिवसेना जिल्हाप्रमुख संजय पडते, सतीश सावंत, संदेश पारकर, अतुल रावराणे, संग्राम प्रभुगांवकर यांच्यासह ठाकरे शिवसेनेचे अन्य पदाधिकारी उपस्थित होते.
