आ. वैभव नाईकांचे भाजपाला दे धक्के सुरूच ; जांभवडे गावातील भाजपाचे शेकडो कार्यकर्ते उबाठात
आमदार वैभव नाईक यांनी शिवबंधन बांधून केले स्वागत ; पदाधिकाऱ्यांच्या नियुक्त्या जाहीर
मालवण : आमदार वैभव नाईक यांनी कुडाळ मालवण मतदार संघात भाजपाला धक्क्यावर धक्के सुरूच ठेवले आहेत. आ. वैभव नाईक यांच्या नेतृत्वावर विश्वास ठेवून कुडाळ तालुक्यातील जांभवडे गावामधील शेकडो भाजप कार्यकर्त्यांनी भाजपला सोडचिठ्ठी देत आज आमदार वैभव नाईक यांच्या उपस्थितीत शिवसेना उध्दव बाळासाहेब ठाकरे पक्षात प्रवेश केला आहे. जांभवडे गावचा विकास हा आमदार वैभव नाईक यांच्या माध्यमातून झाला असून विविध योजनांमधून त्यांनी लाखो रुपयांचा विकास निधी देऊन या भागातील ग्रामस्थांची विकासकामे मार्गी लावली आहेत, असे सांगत यापुढील काळातही ते जांभवडे गावातील विकासकामांना प्राधान्य देतील, असा विश्वास प्रवेशकर्त्यांनी व्यक्त केला आहे.यावेळी जांभवडे युवासेना शाखाप्रमुख पदी नागेश मडव,युवासेना उपशाखाप्रमुख पदी अंकीत मडव,युवासेना शाखाप्रमुख पदी अविनाश गोवेकर,युवासेना समन्वयकपदी ओमकार मडव, ओबीसी सेल उपविभागप्रमुख पदी महेश खोचरे,महिला शाखाप्रमुख पदी सारिका खोचरे यांची जिल्हाप्रमुख संजय पडते यांच्या शिफारसीनुसार आमदार वैभव नाईक यांच्या उपस्थितीत नियुक्ती पत्र देत नेमणूक करण्यात आली.
यावेळी बोलताना आमदार वैभव नाईक म्हणाले की सत्ता कोणाची असो विकासाची जबाबदारी मी आमदार म्हणून माझी आहे. त्यामुळे या पुढील काळातही विकासकामांसाठी निधी कमी पडू देणार नाही असा शब्द आमदार वैभव नाईक यांनी प्रवेशकर्त्यांना दिला आहे.
यावेळी नागेश मडव, अंकित मडव, लक्ष्मण खोचरे,महेश खोचरे,अविनाश गोवेकर, नयन मडव, ओंमकार मडव,यश मडव,सुधीर मडव, दयानंद मडव,तुकाराम खोचरे,जितेंद्र गोवेकर, मंदार गोवेकर, मिलिंद गोवेकर, प्रकाश गोवेकर,सुलोचना खोचरे,लीलावती खोचरे, दिपाली गोवेकर, प्रियंका गोवेकर, अनिता गोवेकर, सारिका खोचरे, अशोक पारकर,अर्चना पारकर, संदीप पेडणेकर, पार्वती गोवेकर, वैशाली गोवेकर, निर्मला गोवेकर, शंकर पेडणेकर, दिनेश साताडेकर,रंजना खोचरे या भाजप कार्यकर्त्यांनी शिवसेना पक्षामध्ये प्रवेश केला आहे.
याप्रसंगी शिवसेना उध्दव बाळासाहेब ठाकरे पक्षाचे कणकवली विधानसभाप्रमुख सतिश सावंत, कुडाळ उपतालुकाप्रमुख सचिन कदम, महेश सावंत, आबा मुंज, घोटगे शाखाप्रमुख चंदन ढवळ, जांभवडे शाखाप्रमुख तेजस भोगले, हर्षद ढवळ, सिध्देश सावंत आदी शिवसैनिक उपस्थित होते.
