घुमडे गावचे ग्रामदैवत श्री देवी घुमडाईचा उद्या वार्षिक जत्रौत्सव
मालवण : मालवण तालुक्यातील घुमडे गावचे ग्रामदैवत श्री देवी घुमडाईचा वार्षिक जत्रौत्सव उद्या (शुक्रवारी) २२ डिसेंबर रोजी साजरा होणार आहे. यानिमित्ताने सकाळी मंदिरात धार्मिक कार्यक्रम, दुपारी महाप्रसाद, त्यानंतर ओटी भरण्याचा कार्यक्रम होणार आहे. तर रात्री ११ वाजता पालखी निघणार असून यावेळी फटाक्यांची आतिषबाजी होणार आहे. यानंतर बाळकृष्ण गोरे दशावतार नाट्यमंडळाचा नाट्यप्रयोग सादर करण्यात येणार आहे. तरी भाविकांनी यावेळी उपस्थित रहावे, असे आवाहन घुमडे ग्रामस्थ मंडळाने केले आहे.
