ओवळीये, हिवाळेत उबाठाला धक्का ; बाबा आंगणे यांचा भाजपात प्रवेश
खा. नारायण राणे यांनी पक्षात केले स्वागत
मालवण | कुणाल मांजरेकर
मालवण तालुक्यातील उबाठा शिवसेनेचे सक्रिय कार्यकर्ते बाबा आंगणे यांनी बुधवारी शांतादुर्गा हॉल, पावशी येथे भाजपाच्या सदस्य महाअभियान- २०२५ आढावा बैठकी दरम्यान भाजपचे ज्येष्ठ नेते, खा. नारायण राणे यांच्या प्रमुख उपस्थितीत भारतीय जनता पार्टीमध्ये पक्ष प्रवेश केला. खा. राणे यांनी पक्षात त्यांचे स्वागत करत, त्यांना पुढील वाटचालीसाठी शुभेच्छा दिल्या.
यावेळी सिंधुदुर्ग जिल्हा सदस्य महाअभियान प्रभारी महेश जाधव, जिल्हाध्यक्ष प्रभाकर सावंत, जिल्हाध्यक्षा श्वेता कोरगावकर, जिल्हा बँक अध्यक्ष मनीष दळवी, रणजीत देसाई, भाजपा तालुकाध्यक्ष धोंडू चिंदरकर, जिल्हा बँकेचे संचालक बाबा परब, माजी उपसभापती राजू परुळेकर, महेंद्र चव्हाण, खांबल, प्रवीण घाडी, दया हाटले, रघुनाथ धुरी यांच्यासह भारतीय जनता पार्टीचे सर्व पदाधिकारी व कार्यकर्ते उपस्थित होते.
