आ. निलेश राणे यांनी घेतली सा. बां. मंत्री शिवेंद्रराजे भोसले यांची भेट ; सोनवडे घाटमार्ग व आंजीवडे घाटमार्गासंदर्भात चर्चा
मालवण : कुडाळ मालवणचे आमदार निलेश राणे यांनी बुधवारी राज्याचे सार्वजनिक बांधकाम मंत्री शिवेंद्रराजे भोसले यांची भेट घेतली. या भेटीत बहुचर्चित असलेल्या घोटगे-शिवडाव-सोनवडे घाटमार्गाचे काम लवकरात लवकर सुरू व्हावे, या बाबत सकारात्मक चर्चा झाली. सोबतच प्रस्तावित आंजीवडे घाटमार्गाचा DPR बनविण्याची कार्यवाही करण्यासंदर्भात देखिल चर्चा झाल्याची माहिती आमदार निलेश राणे यांनी ‘एक्स’वरून दिली आहे. कुडाळ मालवणचा बॅकलॉक मोठा आहे. मंत्री महोदयांनी त्यासाठी पण सकारात्मक आश्वासन दिले असल्याचे निलेश राणे यांनी ‘एक्स’ पोस्ट मधून म्हटले आहे.
