कट्टा येथे रविवारी १५ डिसेंबर रोजी रक्तदान शिबीर
मालवण : सहकारमहर्षी कै. प्रा. डी. बी. ढोलम यांच्या पुण्यतिथी प्रित्यर्थ सहकारमहर्षी कै. प्रा. डी. बी. ढोलम चॅरिटेबल ट्रस्ट कट्टा आणि आभाळमाया ग्रुप यांच्या वतीने रविवार दि. १५ डिसेंबर रोजी सकाळी ९ ते दुपारी १.३० वा. पर्यंत वराडकर हायस्कुल कट्टा येथे रक्तदान शिबीर आयोजित करण्यात आले आहे.
आभाळ माया ग्रुप कडून २०२१ पासून सातत्याने सहकारमहर्षी कै. प्रा. डी. बी. ढोलम यांच्या पुण्यतिथी प्रित्यर्थ रक्तदान शिबीर आयोजित करण्यात येत आहे. दरवर्षी या शिबिराला रक्तदात्यांचा रेकॉर्ड ब्रेक सहभाग असतो. यंदा निवडणूक आचारसंहितेमुळे हे रक्तदान शिबीर डिसेंबर महिन्यात घेण्यात येत आहे. आभाळमाया ग्रुप व जी. एच. फिटनेस कट्टा पंचक्रोशी शिक्षण प्रसारक मंडळ संचलित, वराडकर हायस्कूल अँड ज्युनिअर कॉलेज, इंग्लिश मीडियम स्कूल आणि सिनीयर कॉलेज यांच्या सहकार्याने हे रक्तदान शिबीर भरवण्यात आले आहे. तरी रक्तदात्यांनी शिबिरास उपस्थित राहून रक्तदान करावे असे आवाहन करण्यात आले आहे.
