मालवणमध्ये “इको फ्रेंडली” नरकासुर स्पर्धा : हजारोंच्या बक्षीसांचा वर्षाव !
सौरभ श्रीकृष्ण ताम्हणकर मित्रमंडळ आणि महापुरुष रेवतळे मित्रमंडळाचे आयोजन
मालवण | कुणाल मांजरेकर
नरक चतुर्दशी निमित्ताने मालवण येथील युवा सामाजिक कार्यकर्ते सौरभ श्रीकृष्ण ताम्हणकर मित्रमंडळ आणि महापुरुष मित्रमंडळाच्या वतीने 23 ऑक्टोबर रोजी इको फ्रेंडली नरकासूर स्पर्धा आयोजित करण्यात आली आहे. या स्पर्धेसाठी विजेत्यांवर हजारोंच्या बक्षीसांचा वर्षाव होणार आहे.
या स्पर्धेसाठी प्लास्टिक व थर्माकोलचा वापर करण्यास मनाई आहे. स्पर्धेतील प्रथम क्रमांकास ८,८८८ रुपये आणि सन्मानचिन्ह, द्वितीय क्रमांकास ४४४४ रुपये व सन्मानचिन्ह तर तृतीय क्रमांकास २२२२ रुपये व सन्मानचिन्ह देण्यात येणार आहे. 23 ऑक्टोबरला रात्री ९ ते १२ यावेळेत वायरी रोड, भरड मालवण येथे परीक्षण करण्यात येणार असून बक्षिस वितरण मालवण बंदर जेट्टी येथे करण्यात येणार आहे. तरी नावनोंदणी साठी पंकज गावडे 7972861124, शुभम लुडबे – 9764148782 यांच्याशी संपर्क साधावा, असे आवाहन करण्यात आले आहे.
