मनसे अध्यक्ष राज ठाकरे नवरात्री नंतर कोकण दौऱ्यावर
सिंधुदुर्ग, रत्नागिरी, रायगडचा करणार दौरा ; मनसैनिकांमध्ये उत्साहाचे वातावरण
मालवण: आगामी निवडणुकांच्या पार्श्वभूमीवर मनसे अध्यक्ष राज ठाकरे महाराष्ट्र दौरा करीत आहेत. सध्या ते विदर्भाच्या दौऱ्यावर असून नवरात्री नंतर ते सहा दिवसांच्या कोकण दौऱ्यावर येणार आहेत. राज ठाकरे यांचा अधिकृत दौरा अद्याप जाहीर झाला नसला तरी या संभाव्य दौऱ्या मुळे मनसैनिकात उत्साहाचे वातावरण निर्माण झाले आहे.
विदर्भ दौऱ्यानंतर राज ठाकरे कोकण दौऱ्यावर येणार आहेत. येत्या 7 ऑक्टोबर च्या दरम्यान हा कोकण दौरा सुरु होण्याची शक्यता आहे. कोल्हापूर मधून ते तळकोकणात उतरणार असल्याचे समजते. त्यांच्या संभाव्य दौऱ्यामुळे महाराष्ट्र सैनिकांत उत्साहाचे वातावरण निर्माण झाले आहे.
