रोटरी क्लबच्या वतीने सिंधुदुर्ग महाविद्यालयात कृषी दिन साजरा
कुणाल मांजरेकर
मालवण : रोटरी क्लब मालवण आणि मराठी विभाग, स. का. पाटील सिंधुदुर्ग महाविद्यालय, मालवण यांच्या संयुक्त विद्यमाने कृषी दिनाचे औचित्य साधुन महाविद्यालयाच्या प्रांगणात वृक्षाराेपण करण्यात आले.
माजी मुख्यमंत्री वसंतराव नाईक यांच्या स्मृती प्रित्यर्थ १ जुलै रोजी कृषी दिन साजरा करण्यात येतो. यावेळी राेटरी क्लबचे माजी अध्यक्ष उमेश सांगाेडकर, प्राचार्या डॉ. उज्ज्वला सामंत यांच्या हस्ते वृक्षारोपण करण्यात आले. याप्रसंगी उमेश सांगोडकर आणि प्राचार्या उज्वला सामंत यांनी सर्वांना कृषी दिनाच्या शुभेच्छा दिल्या. तसेच IQAC समन्वयक प्रा. बी. एच. चौगुले यांनी कृषी दिनाचे महत्त्व विशद केले. १ जुलै हा डॉक्टर्स डे असल्याने यावेळी डॉक्टारांप्रती कृतज्ञता व्यक्त करण्यात आली. या कार्यक्रमास राेटरीचे अभय कदम, पंकज पेडणेकर, सुहास ओरसकर, महेश काळसेकर, अजय जाेशी, साेनल पालव, संजय पेंडुरकर तसेच स. का. पाटील सिंधुदुर्ग महाविद्यालयाच्या कनिष्ठ व वरिष्ठ विद्याशाखांचे सर्व विभागांचे प्राध्यापक, शिक्षकेतर कर्मचारी आणि कनिष्ठ महाविद्यालयाचे विद्यार्थी उपस्थित होते.
